就係咁 就影左Pre Wedding相喇

其實係今年4月有朋友影完, 介紹咗俾我地。其實之前喺婚展都有睇過另一間大陸既 , 咁但最後都係覺得韓國質素高好多, 而One Plus One又好出名，

見有人介紹, 咁好快就已經決定扑搥。

One plus One有提供首爾及濟州 、室內及室外拍攝。最後我哋都係揀咗濟州。最正係望住濟州個四季花期同景色表，好難諗幾時去影。

畢竟全室外都會擔心天氣, 打風落雨都好大鑊。

櫻花, 芒草, 全部都好靚。

Package方面, 當然係好重要

1.翻譯

2.禮服

3.當天交通接送

4. 三晚海邊酒店

5.韓國風格專業修圖

 

濟州有好多個studio, 當然風格, 價錢, package都有啲唔同，最緊要揀啱自己鍾意既style, 揀唔啱, 幾多錢都無用嘛。

其實我俾錢嗰陣, 只係揀咗studio 12同加錢揀咗靚啲既禮服。至於幾時影, 係未揀架。

之後揀好日子電郵通知返就可以了，咁都幾好。

 

臨出發, 好緊張, 好怕帶漏嘢, 做唔足, 但One Plus One都有send份注意事項嚟。

跟住做就無有怕了。

 

到拍攝當日, 翻譯小姐準時到咗酒店lobby接我地，原來司機都係佢，我都有問過，全部只識講普通話。根據合約，係有新鮮花束做道具！

咁我地首先去化妝，set頭同揀衫，連埋坐喺度等過程用左三個半鐘，由於事前諗定好想揀咩款, 所以好快已經揀到，化妝都係，一早諗定自己啱咩妝，不過當日化妝師只有pink tone化妝品，沒有橙Tone的，有需要可以自備定。時間關係，攝影師未出現已經諗好晒行程路線，嚟到就可以開始影了。

Lunch方面One plus one 準備咗紫菜包飯卷，一路等新娘試婚紗，我一路食。 又方便，又飽肚。 食飽先有力影相。

一直以嚟一個翻譯一個助手，都好幫得手。一個會拎住我手機，全程一直影，所以換景期間搭車可以睇相，睇下有啲咩可以改進。

第二個景係芒草，不得了，一片芒草地，攝影師好有創意同觸角。摘咗2條芒草，抆晒啲【葉】，叫助手趁大風時放手， 芒草向我哋飛過嚟，張相好靚。 最後仲用咗呢嚟曬20R。

第三個景係粉紅嫩草，呢個地方要俾入場費。不過當地無咩地方換衫，新娘換衫地點只有車，同室外。不過助手們都好細心，好多人圍觀時都盡量遮。 不過我哋都當咗自己係專業模特兒了。當眾換衫，只求盡快完成拍攝。

最終10小時嘅pre-wedding 完滿結束，影4個景，3個禮服1個便服，我唔算太攰，但新娘就攰啲，換衫係最攰的，但過程係十分開心同好難忘嘅！人都未返香港呀，後晚已經收到one plus one嘅email. 有成千二張相慢慢揀，好快手。同埋發現我地選擇既呢個studio佢對光暗處理構圖好有一手，影出來效果好有feel。