相信會搵One Plus One Wedding 的朋友，就係知道佢地嘅濟州拍攝做得好出色，而我地亦唔例外。原本選定的項目同樣係濟州蜜月婚攝，項目明碼實價，比好多空間我地去揀自己鍾意嘅拍攝風格。可惜好景不常，行程因疫情影響下曾一度推遲，到最後依然無法如期進行。不過喺一輪積極洽商下，佢地有唔同既攝影師、婚紗公司比你揀，仲有韓國化妝公司，大家之間有商有量，最終決定改為本地拍攝，價錢亦相當合理。心情本來非常失望嘅我地，眼見佢地好有誠意咁去幫助同解決問題，識得隨機應變，覺得自己好好彩揀咗One Plus One，真係冇揀錯。

 

香港Pre-Wedding，我地主要想打造韓式風格，另外再影少少香港味道，所以揀咗兩個外景同一個室內studio拍攝。外境地點分別係西貢獅子會、中上環街頭同天星小輪。化妝方面就安排咗韓國化妝師，我女朋友相當鍾意個韓妝同髮型，而我亦成功變咗半個OPPA。就於studio室內拍攝方面，喺度好想讚一讚職員Bonnie。因為studio拍攝係要着casual wear，佢好細心咁為我地構思衣着風格，點樣會係最適合我地而又配合到我地心目中最想要嘅嘢。就喺拍攝前期，佢不斷為我地搜羅較韓式而又簡約嘅衣著，真係會好體貼咁逐件逐件同你分析，好似朋友一齊揀衫咁哈哈。最重要係出嚟個效果又真係好好，出乎意料！拍攝當日天氣唔錯，獅子會的拍攝如期造到清新嘅自然氣息。攝影師好nice好專業，室內拍攝過程亦好自然唔會尷尬，會耐心教我地擺pose教我地點樣互動。中上環就相當具挑戰性，喺眾目睽睽下要行型格路線確實難忘。同一條馬路來來回回就係為咗捕捉最完美嘅一刻，其實都好開心可以同另一半有咁特別嘅經歷。行程間有7人專車接送，化妝師亦都從旁緊密為我地補妝，拍攝最終順利完成。

 

最後，非常多謝One Plus One Wedding為我地做嘅一切，你地好專業好有承擔，用真心為客人服務，必定會介紹畀朋友，值得推介Pre-wedding公司。