韓國婚攝客人分享
Epilogue
 |  |  |
|---|---|---|
 |  |  |
 |  |  |
 |  |  |
 |  |
難忘的Pre-Wedding🧖♂️🧖♀️ Of Korea
距離4月30日還有兩個月,所準備的東西都7788,今日終於有時間坐下和大家分享一下PW的感想, 還記得11月初響韓國Pre-Wedding到而家已經有三個月多啦，心入面嘅開心同興奮情景仍然響我腦海中不斷浮現，平時懶惰嘅我不得不分享一下響韓國Pre-Wedding嘅感想，我唔係賣廣告，我想用一個字來形容「正！」
我同女友Plan在2018年 4月30日舉行婚禮，當務之急想搵一間Pre-Wedding公司，之前已經上網、睇Facebook、去大型婚展等等...搜集咗唔少Pre-Wedding嘅資料，講真一句，其實每間Studio介紹嘅Package都差唔多解我會揀One plus One Wedding呢？
最大原因係佢哋擁有最好嘅售前服務，很樂意同耐心咁聽我哋對Pre-Wedding嘅需要同要求，從而介紹相關產品，絕對無所謂硬Sell成份，就算拒絕咗佢哋好幾次，又返唻再問過，佢哋都毫無怨言同黑面，仲盡心盡力解答我哋所需，最重要係佢哋產品真係比其他Pre-Wedding公司吸引，所以我哋最終選擇咗One plus One。產品內容包括兩晚免費酒店住宿，重點係有兩日攝影時間(我超喜歡)，分別係室外取景同室內取景，第一日嘅室外攝影係一個好好嘅機會俾我哋呢啲平時唔係好鍾意影相練習一吓，等我哋早一日Rehearsal，真係Like爆！
不得不提One plus One嘅辦事能力真係好高，響出發前一個月已經send e-mail俾我哋，將Pre-Wedding整個流程、酒店地址、交通資料、需要預備嘅用品詳細咁列出，等我哋有充足嘅時間唻準備，終於到咗出發果日，我哋係坐早機去嘅，下晝就到咗韓國，酒店位置響地鐡站附近好容易就搵到，酒店房間環境好舒適，設備亦齊全，我哋兩日都係坐7座位嘅豪華專車接送去拍攝場地同來回酒店，韓國司機真係好守時，而且仲好友善，仲會提供食物同飲品俾我哋，驚我哋唔夠體力去影相，真係唔讚佢都唔得。
呢兩日攝影總括唻講：我真係想表揚一吓翻譯人員、韓國大媽、當地韓國攝影師同化妝師。如果冇佢哋嘅專業水準，我哋嘅婚紗相就冇咁靚啦！初頭我同女友都以為化妝同Set頭要嘥好多時間整，但佢哋以熟練嘅化妝同造型技術，三兩下功夫已經將我哋打扮到別樹一格，好韓風。響Set頭果時即使有一條頭髮仲未整理好，佢哋都觀察入微，仔細咁再整理。可想而知，佢哋係幾咁專業。
最後我真係好想好想讚吓韓國嘅攝影師，佢係我人生中唯一見過咁嚴格嘅攝影師，對Studio場景擺位，姿勢動作，甚至光線都特別執著同講究。仲有如果我哋嘅擺放姿勢，或者笑容有咩唔妥，佢都會即刻糾正我哋，而家回顧我哋嘅婚紗相，終於明白佢點解要咁執著。
以上就係我對今次Pre-Wedding嘅評論，我唔係打手，我亦都唔係幫One Plus One賣廣告，我只係將我嘅所見所聞&感受同大家分享。講真有咁好嘅服務同專業嘅水準而家係好難搵嘅，誠意推介俾諗住影Pre-Wedding嘅各位，大家真係可以參考一吓我嘅評價。
特別鳴謝：One Plus One嘅職員對我哋耐心嘅解答，翻譯人員同韓國大媽無微不至嘅照顧，韓國攝影師嘅專業，感激響我哋嘅第一次Pre-Wedding遇見你哋，Thank you so much!
文章來源: ESDLife